აჭარის ოფიციალური ტურისტული გზამკვლევი

INFOADJARA.COM GOBATUMI.COM
Geo Eng Rus

მაჭახლობა

„მაჭახლობა“ სახალხო დღესასწაულია, რომელიც 2007 წლიდან ყოველწლიურად იმართება. სპეციალურად ამ დღესასწაულთან დაკავშირდებით, თემატურად ფორმდება განკუთვნილი ტერიტორია, ეწყობა სცენა და დამახასიათებელი დეკორაცია.

ღონისძიების ფარგლებში,  ღია ცის ქვეშ წარმოდგენილია ხეობის ხუთივე თემისათვის დამახასიათებელი ეთნოგრაფიული, ადგილობრივი რეწვის ნიმუშები და შემოდგომის ნობათი. აქვე  მზადდება ტრადიციული კერძები, რომელთა დაგემოვნებაც ღონისძიებაზე მისულ ნებისმიერ სტუმარს შეუძლია, მათ შორის გამოირჩევა მაჭახლის მჭადი, მჟავე და ლობიო. მთელი დღის განმავლობაში იმართება სპორტული აქტივობები, მაჭახელას თოფის ნიმუშების გამოფენა და ადგილობრივი ქორეოგრაფიული და ფოლკლორული ანსამბლების საზეიმო კონცერტები.

გარდა ამისა, ღონისძიების სტუმრებს შეუძლიათ დააგემოვნონ და შეიძინონ მაჭახლის ცნობილი თაფლი, რომელიც ძალიან  გემრიელია და   მაჭახლის ხეობის მრავალ ღირსშესანიშნაობათაგან ერთ-ერთადაც კი შეიძლება ჩაითვალოს.

ღონისძიების ტრადიაციად იქცა ხეობის უხუცესის მიერ  მოწვეული სტუმრებისათვის   საზეიმო ვითარებაში   „მაჭახლის საპატიო სტუმრის ქამრის“ გადაცემა და საპატიო მაჭახლელის ტიტულის გამოვლენა.

ფესტივალზე მიმავალი გზად აუცილებლად უნდა მოინახულოთ გვარას ციხე, შეჩერდეთ თოფის მონუმენტთან, რომელიც ამ ხეობის  ტრადიციებისა და ადათების სიმბოლოდ დაიდგა,  გადაიღოთ ფოტოები და კიდევ უფრო მრავალფეროვანი გახადოთ თქვენი მოგზაურობა ფესტივალზე.

ჩატარების თარიღი: სექტემბერ-ოქტომბერი

ჩატარების ადგილი: ხელვაჩაურის მუნიციპალიტეტი, მაჭახელას ხეობა

სხვა ღონისძიებები

ჯვარიმინდორობა

ჯვარიმინდორობა - ასე ეძახიან ფოლკლორულ ფესტივალს, რომლის ძირითად მიზანს ჩვენი კუთხის კულტურისა და სამთო ტურიზმის პოპულარიზაცია წარმოადგენს,

ჭვანელობა

ჭვანელობა სახალხო დღესასწაულია , რომელიც შუახევში, სოფელ „ჭვანის“ ცენტრში, ღია ცის ქვეშ იმართება და შემოდგომის მოსავლის აღება-და

მერისობა

მერისობა სახალხო დღესასწაულია, რომელსაც მერისის თემში შემავალი სოფლების მოსახლეობა აღნიშნავს. ზეიმზე წარმოდგენილია: ფოლკლორული, ეთნოგრაფიული

ქედელობა

ქედელობა ანუ შემოდგომა ქედაში, სახალხო დღესასწაულია, რომელიც ტრადიციულად იმართება ქედაში, სპეციალურად ამ დღისთვის დეკორირებულ ცენტრალურ პარკ

ნამეფვარობა

ნამეფვარობა სახალხო დღესასწაულია, რომელიც ქედის მუნიციპალიტეტში, ცხმორისის თემის, სოფელი ახოს საზაფხულო იალაღზე იმართება. დღესასწაული დაკავშ

ზამლეთობა

ზამლეთობა სახალხო დღესასწაულია, რომელიც პირველად 2014 წელს აღინიშნა და ყოველწლიურად იმართება შუახევის მუნიციპალიტეტის, ზამლეთის თემის მოსახლ

კოლხობა

კოლხობა სახალხო დღესასწაულია, რომელიც ადგილობრივებმა ლაზური ფოლკლორისა და ტრადიციების შესანარჩუნებლად 1979 წელს ჩამოაყალიბეს თავდაპირველი სა